МЕНАЏЕРСКИ СМЕНИ: Бившиот директор на УЈП, Горан Трајковски влезе, бизнисменот Горан Рафајловски излезе од УО на „Витаминка”

Собранието на акционери на П.И. „Витаминка” АД Прилеп на вчерашната седница донесе одлука со која ги разреши членовите на одборот на директори и формираше нов менаџерски тим.

Тројца од разрешените директори се резбрани и во новиот Одбор на директори. Станува збор за Симон Наумоски-инженер технолог кој продолжува да ја извршува функцијата престседател на Одборот на директори, Сашо Наумоски-магистер по економски науки како извршен директор. Како неизвршниот член во директорскиот борд повторно е назначен и Благоја Ѓорѓијоски-доктор на економски науки.

Смена има кај останатите два независни и неизвршни членови во УО. Од одборот на директори на Витаминка со одлука на акционерите си заминуваат двајцата неизвршни членови бизнисменот Горан Рафајловски-доктор на правни науки и Марјан Бојаџиев-доктор на економски науки.

Нивното место во менаџерскиот тим како независни неизвршни членови ќе го пополнат Маја-Кадиевска Војновиќ-магистер по бизнис администрација и поранешниот директор на УЈП, Горан Трајковски-дипломиран правник.

Членовите на Одборот на директори се именуваат со мандат од четири години.