Марк Цукерберг најавува нови производи

Вредноста на акциите на Фејсбук скокнаа на нов рекорд, откако медиумскиот гигант објави резултати кои се подобри од очекуваните за првиот квартал од годинава, благодарение на зголемувањето на приходите од реклами.

Основачот на Фејсбук, Марк Цукерберг рече дека дополнителните пари ќе значат дека компанијата ќе инвестира повеќе во нови области со потенцијал за раст – вклучително и работа на зголемена виртуелна реалност, трговија, деловни пораки, креатори на содржини, како што се видеа, билтени и домаќини на подкасти.

Компанијата соопшти дека заработила 9,5 милијарди долари или 3,3 долари по акција во периодот од јануари до март 2021 година.

Тоа е раст од 94 проценти во однос на истиот период минатата година, кога заработката беше 4,9 милијарди долари.

Во март, Фејсбук го користеа 2,85 милијарди корисници.

Другите апликации во сопственост на Фејсбук, Инстаграм и WhatsApp, во март имаа заедно 3,45 милијарди корисници.