Лукоил Македонија: На бензинските станици може да се плаќа со Виза картички

Виза картичките повторно се во целосна функција на сите бензински станици, информираат од Лукоил Македонија. За плаќањата на овој начин нема никакви ограничувања, а сите услуги се достапни и без промени.

Краткотрајниот прекин кој стартуваше на почетокот од месецов, беше предизвикан од новиот бран американски санкции насочен кон руските Лукоил и Роснефт, при што имаше и забрана за вршење трансакции со картичките Виза. Како и насекаде низ Европа, така и бензинските станици на Лукоил во Македонија беа опфатени со таа мерка. Кон санкциите се пристапи со цел да се натера Русија да ја прекине воената агресија врз Украина.