Лондон е подготвен за транс-пацифичко партнерство

Велика Британија е подготвена да започне преговори за пристапување кон зоната на слободна трговија, која на своите компании ќе им овозможи пристап до некои од најголемите економии од сегашноста и иднината, објави владата во Лондон.

Сеопфатниот и прогресивен договор за транс-пацифичкото партнерство се состои од 11 земји, вклучувајќи ги Австралија, Канада и Јапонија.

Членството ќе ги намали царините за извоз на британската стока, како што е за автомобилите и за виски пијалоците. Трговската област опфаќа пазар од околу 500 милиони луѓе.

Нов Зеланд, Брунеи, Чиле, Малезија, Мексико, Перу, Сингапур и Виетнам се исто така основачи на трговскиот договор, кој беше воспоставен во 2018 година. Велика Британија аплицираше за влез во блокот во јануари, по Брегзит.

Велика Британија е првата земја која не е основач и земја која се пријавила да се приклучи кон договорот за транс-пацифичкото партнерство и со тоа ќе биде втора по големина економија, зад Јапонија, доколку успеат преговорите. Договорот за слободна трговија овозможува намалување на царинските давачки меѓу земјите-членки и намалување од 95% од давачките за стоки. Државите пак, мора да соработуваат во спроведувањето на регулативите, како што се стандардите за храна.

Сепак, овие стандарди и прописи не мора да бидат идентични, па така, членовите можат да склучуваат и свои трговски договори. Меѓутоа, кога Лондон неодамна потпиша договор за слободна трговија со Канбера, британските земјоделци реагираа предупредувајќи дека увозот на храна од Австралија може да ги намали цените и да ги наруши стандардите за социјална заштита.