НА ТАПЕТ: Листа со фирми кои ги задржаа парите за себе и не исплатија плати

306 работодавачи, на 992 вработени не ја исплатиле платата

Владата ја продолжи праксата и го објави списокот со компании кои добиле помош од државата преку анти-ковид мерките, но парите не им ги исплатиле на работниците.

Листата со фирми кои ја злоупотребија државната помош можете да ја видите  тука.

По региони, најмногу фирми што не исплатиле плата се од Скопје – 92 фирми, Тетово – 63 и Гостивар – 16.

Компаниите што не исплатиле плата се од дејностите: трговија на големо, транспорт, трговија на големо и мало со моторни возила и мотоцикли, услужни дејности, градежништво, сметководствени бироа и други.

Директорката на УЈП Сања Лукаревска рече дека за овие работодавачи Управата за јавни приходи изготви и достави опомени и за неисплатената плата, а по истекот на рокот од опомената, против оние кои нема да ја исплатат платата ќе следи проведување на постапка на присилна наплата на платата со блокада на паричните средства на нивните трансакциски сметки и пренос на средствата на сметките на вработените лица и на уплатните сметки за јавни приходи.