И во пандемија граѓаните купувале станови, ама штеделе на автомобили

Според последните податоци на Народната банка за монетарните движења во земјава за месец феруари најголем дел од подигнатите кредити што им бил одобрени на физичките лица се потрошувачките и станбените кои бележат раст. На месечно ниво одобрувањето на потрошувачките кредити се зголемиле за 0,6 проценти, додека на годишно ниво на шест отсто. Кај станбените кредити, пак растот е уште поголем. На месечно ниво кредитите за станови се зголемиле за 1,2 проценти, а годишен раст бележат од 12,7 отсто.

Поинаква е ситуацијата со автомобилските кредити. Овој месец побарувачката за кредити за автомобил остварила пад за 3,3% , додека дури за 13 проценти е намалено кредитирањето за купување на автомобили.

Граѓаните затегнале и кај кредитните картички. Одобрени помалку кредити на кредитните картички, но и минусот на сметката им се намалил. Кредитите одобрени на кредитните картички, во февруари, бележат месечен и годишен пад од 2,3% и 9,2%, соодветно, додека негативните салда на тековните сметки се намалени за 1,5% и 9,3% на месечна и годишна основа, соодветно.

Кај кредитите одобрени врз други основи, овој месец, е забележано месечно и годишно намалување од 1,0% и 6,7%, соодветно.

Редакција Пари