КРЕМАЉ ПОЈАСНУВА: Гас ќе имa, ги чекаме уплатите во рубљи на крајот на април

Русија нема да ја прекине испораката на гас за Европа од петок, соопшти Кремљ.
Користењето на рубљата за плаќање, на кое Русија инсистира за извозот на гас ќе влијаат на плаќањата кои треба да се доспеат кон крајот на април и мај, а Русија нема да ја прекине испораката на гас за Европа во петок, појасни портпаролот на Кремљ, Дмитриј Песков. Претседателот Владимир Путин во четвртокот потпиша наредба со која се предвидува промена на валутата, што европските влади го нарекоа неприфатливо прекршување на договорот.

„Дали ова значи дека ако нема потврда во рубљи, тогаш испораката на гас ќе биде прекината од 1 април? Не, не, и не произлегува од декретот“, им рече Песков на новинарите. Тој рече дека тоа ќе влијае на плаќањата од втората половина на април, а Гаспром ќе работи со своите клиенти на спроведување на новите правила.

Песков рече дека Русија во одреден момент би можела да се откаже од налогот на рубљата доколку се променат условите, но „во сегашните услови рубљите се најпосакувана и најсигурна опција за нас“. Прашан за извештаите на германските медиуми за можноста Германија да национализира некои подружници на Газпром, Песков рече дека тоа би било сериозно кршење на меѓународното право.
Тој рече дека Русија била сведок на „гангстерски акции“ во врска со запленувањето на нејзиниот имот.