КРАЈ НА ИКОНСКИТЕ ТОПКИ МОЦАРТ: Се затвора австрискиот чоколаден гигант

Салцбург Шоколаде ја затвора својата индустриска фабрика во Гродиг во источна Австрија, во близина на Салцбург, родниот град на композиторот Волфганг Амадеус Моцарт.

Службата известува дека компанијата веќе еднаш банкротирала – пред 3 години. Барањето за стечај било поднесено до Регионалниот суд во Салцбург во ноември 2021 година. Неколку месеци подоцна, фабриката била преземена од романската групација KEX Confectionery.

Во декември 2022 година, дел од производството било затворено, а 25 вработени биле отпуштени. Меѓу причините биле зголемените трошоци за суровини, транспорт, пакување и енергија.

Во 2024 година била донесена одлука целосно да се прекине производството поради драстичниот пораст на цените на суровините –  цените на какаото се зголемија тројно. Дополнително, компанијата ја прекина соработката со еден од најголемите клиенти и констатира дека производниот капацитет е преголем. „Долгорочното продолжување на производството е економски невозможно“, наведува Салцбург Шоколаде во комуникацијата.

Салцбург Шоколаде е австриска семејна компанија и производител на бонбони која работи од 1890 година. Позната е, меѓу другото, и по Мирабел Моцарткугел, популарните Моцарт топчиња направени по рецепт на слаткарот Пол Фурст.

Последниот Мирабел Моцарткугел беше произведен на 5 декември. Веќе денес, топката од 17,4 грама чоколадо со фил од лешник, ф’стаци и марципан влезе во историјата – барем онаа произведена во Австрија.

Салцбург Шоколаде не е единствената компанија за производство на чоколада која се соочи со предизвици. Банкротира и француската фабрика за чоколади Пулен.