Комерцијална банка овозможува бесплатно користење на апликацијата KomPay до 31.12.2020 година

До 31.12.2020 година може бесплатно да се дигитализираат две Mastercard картички на мобилната апликација KomPay на Комерцијална банка АД Скопје. Продолжувањето на промотивниот период за користење на апликацијата за бесконтактно плаќање е согласно мерките што ги презема Банката за заштита на здравјето на клиентите и на вработените од вирусот Covid-19.

KomPay е бесплатна мобилна апликација за бесконтактно плаќање, со која може да сe плаќа на ПОС терминали без употреба на физичка банкарска картичка. Со неа, вашиот мобилен телефон станува замена за платежна картичка. Ова е брз, лесен и безбеден начин на плаќање на голем број продажни места низ светот.

Апликацијата овозможува да изберете со која дигитализирана картичка ќе го вршите плаќањето, согласно вашите расположливи средства. KomPay е прва ваква апликација достапна на македонскиот пазар што овозможува најсовремена технологија за овој вид плаќање.