Кој има најмногу, а кој остана без резерви на злато на Балканот 

Хрватска има море, но остана без своите резерви на злато. Србија пак поседува вкупно 36 тони злато.

Втора на Балканот е Македонија со 6,8 тони, следена од Словенија со 3,17, Босна и Херцеговина со 2,98 тони, и Црна Гора со 1,09 тони. 

БиХ има околу три тони злато под јурисдикција на Централната банка на БиХ, а економистот Игор Гавран изјавува дека би било добро да се зголеми обемот на резерви на злато, бидејќи монетарното злато е најтрадиционална форма на резерви со која централните банки гарантираат вредноста на националната валута, заедно со другите девизни резерви.

Оваа функција ја имаат и златните резерви на Централната банка на БиХ, иако тие сочинуваат само мал дел од вкупните девизни резерви. Тој смета дека би било добро да се зголеми обемот на резерви на злато, односно монетарно злато, но не во сегашно време на криза кога цената е висока, туку како дел од долгорочна стратегија за подобрување на стабилноста на зголемувањето на вкупните девизни резерви.

„Добро е што не сме во неповолна ситуација како Црна Гора, да ветиме злато како гаранција за задолжување, но и како Хрватска, која набрзина го продаде монетарното злато кога цената беше далеку пониска од денес и со тоа изгуби стотици милиони евра.