КОНТРОВЕРЗЕН БИЗНИСМЕН И ПРИЈАТЕЛ СО КРИМИНАЛЦИ КАКО Веља Невоља: Кој е човекот што ја купи Генекс кулата во Белград

Кулата Генекс во Белград, една од градбите-симболи на градот, на јавно наддавање е купи од страна на компанијата Eureka bar d.o.o за 2,4 милијарди динари. Од седумте заинтересирани купувачи, најмногу пари понудила фирмата на Александар Кајмаковиќ – контроверзен бизнисмен кој поседува бројни белградски угостителски објекти. Покрај угостителството, Кајмаковиќ пред две години беше уапсен и поради соработка со Вељко Беливук.

Да потсетиме, Аца Босанац беше уапсен под сомнение дека соработувал со Вељко Беливук, познат како Веља Невоља, кој беше приведен на почетокот на февруари во голема акција на МУП и БИА. Кајмаковиќ, како што неофицијално се наведува, е осомничен за перење пари за Вељко Беливук и за користење на „услугите“ на неговото обезбедување, како и за водење на неговите фирми на свое име.

ПРИПАДНИК НА БЕЛГРАДСКОТО ПОДЗЕМЈЕ

Кајмаковиќ, попознат како Аца Босанац, е сопственик на ресторанот „Темперамент“ лоциран во Бетон Хол, потоа ноќниот клуб „Ла Фајет“ на улицата Караѓорѓева, клубот „Казина“ во Теразие: Тој е сопственик и на хотелот „Казина“, потоа клуб „Театро“ во Сараево, а сплавот „Порт“ кај Ушче. Списокот не завршува тука, имајќи предвид дека Кајмаковиќ е сопственик и на кафулето „Кафе театар“ попознато како „Код коња“, потоа на кафулето „Бутик“ и ексклузивни станови под истото име, а во Скадарлија е сопственик и на „Три капи“, „Два гулаба“ и „Златен бокал“.

Поседува и флота возила, меѓу автомобилите што ги има се и Масерати, неколку џипови меѓу кои и Хамер.

Името на Александар Кајмаковиќ за прв пат одекна во јавноста во 2017 година. Тогаш Жељко Рутовиќ го наполнил со куршуми Предраг Ранковиќ Пецони во хотелот „Прага“. Причина за пукањето е купувањето на ресторанот „Венеција“ во Земун. За ресторанот биле заинтересирани Пецони, Рутовиќ и Јоца Амстердам. Пецони сакаше да ја земе Венеција, а купувањето требаше да оди преку Аце Босанац.

Поточно, фирмата на Кајмаковиќ „Еурека бар“ била закупец на ресторанот од 2015 година, а киријата се плаќала по милион и пол динари месечно. Тогаш Кајмаковиќ сакаше да му го купи на Пецони. Тоа не му се допадна на Рутовиќ, па имаше пресметка во хотелот Прага.

Исто така, Кајмаковиќ беше цел на атентатори во 2002 година, поточно на 11 август во 5 часот наутро во Будва. Во неговиот мерцедес CLK 230 со регистрација во Крушевац, кој бил поставен поради нерасчистени сметки во Сараево, била поставена многу разорна бомба.

Како што своевремено пишуваше „Нова.рс“, Кајмаковиќ во 2019 година требаше да стане сопственик на Безистан во строгиот центар на Белград, за што „зелено светло“ му даде владејачката СНС, односно Градското собрание. Ова ја доведува тогашната градска власт во контакт со тимот што соработувал со Вељко Беливук, со оглед на тоа што дозволиле градскиот проект да се финансира од десната рака на Пецони.

Потсетуваме, Кајмаковиќ во 2021 година беше уапсен под сомнение дека соработувал со Вељко Беливук. Кајмаковиќ тогаш беше осомничен за перење пари за Беливук и за користење на „услугите“ на неговото обезбедување, како и за водење на неговите фирми на свое име, но за тоа не беше обвинет.

Инаку, по два неуспешни обиди, кулата Генекс денеска беше продадена на јавно наддавање по цена од 2,4 милијарди динари или преку 20 милиони евра. За купувањето се натпреваруваа седум купувачи. Почетната цена беше 843 милиони динари. Компанијата на Кајмаковиќ даде речиси три пати поголема понуда.

На Кајмаковиќ му понудил неговиот претставник, кој откако се завршило не сакал да каже во чие име учествувал на наддавањето. Оваа информација подоцна ја соопшти Агенцијата за лиценцирање стечајни управители.

Инаку, новиот сопственик на кулата Генекс, фирмата Еурека бар е регистрирана за услуги за подготовка и послужување пијалоци.