Кина за една година додаде уште 100 тони резерви на злато
2 мин читање470 прегледи
Кина ги зголеми златните резерви за повеќе од 100 тони откако во декември минатата година ги обнови набавките на тој скапоцен метал, пишува њујоршката агенција Bloomberg.
Народна банка на Кина (People’s Bank of China)
Народната банка на Кина и минатиот месец купи поголеми количини на злато, со што се зголемија резервите на злато на 62,64 милиони унци во септември од 62,45 милиони во август, покажуваат податоците објавени на официјалната страна на банката.
Ако се гледа во тони, последниот прилив е еднаков на количината од 5,9 тони, кој уследи по зголемувањето на резервите за 99,8 тони во текот на претходните осум месеци.
Цената на златото во септември го достигна највисокото ниво во повеќе од шест години, бидејќи побавниот економски раст, трговските војни на САД и намалените каматни стапки ја поттикнаа побарувачката на инвеститорите.
Зголемено купување злато на централните банки, исто така, даде поттик за цените, бидејќи централните банки на Кина и Русија „акумулираа“ значителни количини на злато во обид да ги диверзифицираат своите резерви, соопшти њујоршката агенција.
Цената на златото на самото место на пазарот денес порасна за 0,2% на 1.510,27 долари за унца, а од почетокот на годината се зголеми за 18 проценти.
Банките Goldman Sachs и BNP Paribas очекуваат цената на тој скапоцен метал да достигне дури 1.600 долари за унца во наредните месеци.
Поврзани вести: „Централните банки во потрага по злато – највисок скок на цената на златото по 2013 година“ од 27.8.2019