Кина ги оспорува тарифите за електрични автомобили на Брисел со жалба до СТО

Пекинг возврати на тарифите на ЕУ за кинеските извозници на електрични возила, поднесувајќи жалба до Светската трговска организација во ескалацијата на трговскиот спор со Брисел. На почетокот на јуни, Европската комисија објави дека нагло ќе ги зголеми тарифите за електричните возила од кинеско производство по повеќемесечната истрага која покажа дека Пекинг неправедно ја субвенционира својата автомобилска индустрија. Мерката е сè уште привремена, а се чека на гласање од страна на земјите-членки на ЕУ во ноември. Шефот за трговија на ЕУ, Валдис Домбровскис, изјави за Фајненшл тајмс дека очекува тие да ги одобрат тарифите. Надоместоците варираат меѓу компаниите, меѓу кои се Geely и BYD, најголемиот светски производител на електрични возила, но може да бидат близу 50 отсто за производителите на автомобили за кои се смета дека не соработувале со истрагата на ЕУ. Во објавувањето на жалбата на Пекинг за СТО во петокот, кинеското Министерство за трговија рече дека наодите на ЕУ сериозно ги прекршуваат правилата на СТО и ја поткопуваат глобалната соработка за климатските промени. Министерството ја повика ЕУ „веднаш да ги исправи своите погрешни практики“, да ја заштити економската и трговската соработка и стабилноста на индустријата за електрични возила. Европската комисија соопшти дека „внимателно ги проучува“ деталите за кинеската жалба и „ќе реагира до кинеските власти во догледно време во согласност со процедурите на СТО“. Домбровскис ги бранеше тарифите, тврдејќи дека тие не се „прохибитивни“. Жалбата на СТО ја означува последната во низата благи одмазднички мерки против она што Пекинг го опишува како против зголемениот европски протекционизам. Некои кинески трговски експерти го предупредија Пекинг на посилни мерки кои би можеле да и наштетат на втората по големина економија во светот, која веќе се бори од забавен раст.
Односите меѓу Пекинг и ЕУ во последните месеци се наоѓаат на мошне ниско ниво, затоа што ЕУ сака својата политика кон Кина да ја води според примерот на САД. Во последниот месец, ЕУ воведе привремени царини што достигнуваат до 37,6 проценти, за увоз на електрични автомобили од Кина. Тоа се случи по повеќемесечниа истрага околу субвенциите што Пекинг им ги исплатувал на домашните производители на електрични возила.