Ќе го „прегази“ли Ryanair ривалот Wizz Air на Балканот?

Ryanair сериозно го „гази“ Wizz Air на Балканот и многу е веројатно следната година овој авиопревозник го престигне Wizz Air по бројот на летови и патници во регионот, пишува воздухопловниот портал Zamaaero. За споредба, Визер ја зголеми белградската база за четвртиот авион, и базата во Скопје, но ги затвори базите во Сараево и Тузла, каде загуби дури четири авиони.

На крајот, во регионот има два авиони помалку од претходно.

За разлика од Визер, Ryanair ја зголеми базата во Загреб од два на четири авиони, базата во Задар од два на три, а отвори база во Дубровник со два авиони.

Wizz Air имаше значително повеќе намалувања оваа зима од Ryanair. Wizz Air нема нови линии објавени во 2024 година, освен рутата до Сараево. Спротивно на тоа, Ryanair следната година има зголемување од над 100 летови и дури 35 нови линии.