Каква била реакцијата на Ангела Меркел кога дозна дека Трамп бил баниран од Твитер?

Германската канцеларка, Ангела Меркел, смета дека одлуката на Твитер за забрана на сметката на претседателот Доналд Трамп е „проблематична“.

Твитер трајно ја прекина сметката на Трамп во петокот, по негодувањата во врска со немирите во Капитол Хил.

Овој потег предизвика критики од другите политички фигури во Европа, вклучувајќи го и еврокомесарот Тиери Бретон.

„Правото на слобода на мислење, е од фундаментално значење“, рече Штефен Зајберт, главен портпарол на Меркел, пред новинарите во Берлин во понеделникот, според Ројтерс.

„Со оглед на тоа, канцеларката смета дека е проблематично што сметката на претседателот трајно е суспендирана“.

Меркел не беше единствена во критиките за технолошките гиганти за отстранувањето на сметката на Трамп. Овој потег предизвика лоша реакција кај другите политички фигури во Европа, вклучувајќи го секретарот за здравство на Велика Британија, Мет Хенкок и еврокомесарот за внатрешен пазар Тиери Бретон, кои рекоа дека треба да се отворат клучни прашања во врска со моќта на технолошките компании и потребата од регулатива.