Каков беше мартовскиот промет на македонска берза?

Според податоците кои ги објави Македонскта берза за периодот 01.03 – 31.03.2021 година вкупниот промет изнесувал 757.514.703 денари што претставува намалување за 45,52 отсто во однос на претходниот месец.

Класичното тргување изнесувало 424.295.968 денари и е намалено во однос на февруари 2021 за 57,76 отсто кога изнесувало 1.004.456.344 денари.

Во класичното тргување истргувани се акции во вредност од 321.690.974 денари и обврзници во  вредност од 102.604.994 денари.

Блок трансакциите за март изнесувале 333.218.735 денари и се намалени за 13,70 отсто во однос на февруари.

Бројот на трансакции во март изнесувал 1.466 и е намален за 42,19 отсто во однос на февруари кога изнесувал 2.536.

Aкциите на Комерцијална банка во месец март 2021 година се со промет од 130.208.028 денари или 2.110.554 евра и го заземаат првото место на најтргувани акции на официјалниот пазар за месец март. Потоа следат акциите на Алкалоид Скопје и Макпетрол Скопје.

Според количината на истргувани акции, апсолутен лидер е Макстил АД Скопје со 65.572 истргувани акции, каде просечна цена по акција изнесувала 62,40 денари.

Месечниот статистички билтен за март 2021 година можете да го погледнете тука.