Како Маск ја зголеми вредноста на Dogecoin за 20% во еден твит

Она што започна како шега и пародија на тема криптовалути, инспирирано од смешна интернет-„мимика“, прерасна во вистинска криптовалута, а откако оваа валута стана тема на твитовите на Илон Маск, нејзината вредност скокна за 20%.

Извршниот директор на Тесла вчера објави твит на Твитер во кој се пошегува со биткоинот, па во еден момент го спомна „Доџкоин“, пишувајќи на твитот „Еден збор: Доџ“.

 

One word: Doge

— Elon Musk (@elonmusk) December 20, 2020

Овој твит ја зголеми вредноста на Доџкоин за 20 проценти и го вклучи во најбараните термини на Твитер. Технолошкиот милијардер отиде чекор подалеку, па во својата биографија на оваа социјална мрежа додаде дека тој е и поранешен директор на Догекоин, пишува Си-Ен-Ен.

Маск твитна за Доџкоин откако биткоинот ја достигна највисоката вредност досега, достигнувајќи 24.000 долари.

Доџкоин е создаден во 2014 година како пародија на популарната интернет-мимика „Доџ“, која вклучуваше слика на куче. Иако виртуелната паричка е создадена од шега, таа во моментов има пазарна вредност од скоро 570 милиони долари.