Граѓаните не треба да се жалат на лоша финансиска состојба, бидејќи од почетокот на годинава го зголемиле богатството со кое располагаат и ги намалиле финансиските обврски. И покрај сѐ уште присутната инфлација и зголемените трошоци за живот, македонските граѓани успеале да издвојат средства за да стекнат поголем финансиски имот. Вкупниот финансиски имот на домаќинствата, покрај депозитите во банките, ги вклучува и другите облици на штедење и финансиско вложување (како што се вложувањата во домашни и странски хартии од вредност, средствата во пензиските фондови, вложувањата во инвестициските фондови и во осигурувањето на животот, готовите пари во оптек и слично).
Вкупниот финансиски имот на домаќинствата во земјава на крајот од првиот квартал годинава изнесува 752,7 милијарди денари, што е рамно на 84% од македонскиот бруто домашен производ. Во првите три месеци граѓаните го зголемиле своето богатство за 34,1 милијарда денари. Тоа е квартален раст од 4,7%, објави Народната банка на Република Македонија. Финансиски…
