Јапонија наскоро ќе ги потроши сите броеви на кредитните картички со 16 цифри  

За да го поттикне електронското плаќање, Јапонија ќе мора да направи промена на постоечкиот број од 16 цифри, за кредитните картички.

Јапонија имаше околу 283 милиони кредитни картички во март 2019 година, но тој број се зголемува откако владата воведе систем на поени за безготовински трансакции минатиот октомври. Во меѓувреме, плаќањата со картички станаа попопуларни за време на заклучувањето во времето на пандемијата.

Првите шест броеви на бројот на картичката се однесуваат на земјата, за брендот и другите информации, а за последните 10 се за издавачот. Според магазинот Маничи Шимбун, издавачите се загрижени дека наскоро би можело да има недостаток на комбинации на броеви од седмата цифра па натаму. 

Проблемот може да се реши со додавање на една бројка, но тоа може да чини десетици милијарди јени и може да предизвика нарушување.