Jаневски се повлече од директорската функција во Агенцијата за туризам

Љупчо Јаневски вчера поднесе оставка на функцијата директор на Агенцијата за промоција и поддршка на туризмот (АППТ). Во изјава за МИА посочува дека приините за оставката се од лична природа.

„Им заблагодарувам на вработените во Агенцијата и на туристичкиот сектор за соработката во изминатите пет и пол години. Мислам дека успеавме од заборавена Агенција да изградиме институција со реноме, во години со голем број предизвици. Секогаш сум се залагал за професионални кадри на вистински места и тоа сум го покажувал со сопствен пример, преку мојата работа, труд и залагање. Македонија мора да оди напред, зашто каква држава ќе изградиме, во таква држава ќе живееме“, вели Јаневски.

Љупчо Јаневски стапи на функцијата директор во АППТ во февруари 2018 година.