ИЗВРШНИОТ ДИРЕКТОР НА APPLE: Поседувам криптовалути, но тоа не значи дека им ги препорачувам на другите

Тим Кук, извршен директор на Apple, откри дека инвестирал во криптовалути, објаснувајќи дека верува дека е разумно да се поседуваат криптовалути во разновидно портфолио.

Кук, кој зборуваше на конференцијата DealBook организирана од Њујорк Тајмс, потоа брзо додаде дека неговото одобрување на криптовалутите не е „инвестициски совет“.

На прашањето колку долго е заинтересиран за криптовалутите, Кук, како што пренесува Tportal, рекол дека е „заинтересиран веќе некое време“ и дека „истражува“, сугерирајќи дека е активно заинтересиран за пазарите на криптовалути и инвестициите.

Кук откри дека Apple нема намера да вклучува криптовалути во својот бизнис и на тој начин да следи некои други технолошки гиганти како Tesla, Facebook и Twitter, велејќи дека Apple не планира наскоро да ги направи криптовалутите прифатен начин на плаќање.

„Тоа не е нешто што планираме да го направиме во моментов“, рече тој.

Тој додаде дека Apple не планира да купува биткоин со проценетите парични резерви од 200 милијарди долари, велејќи дека луѓето не купуваат акции на Apple за да бидат изложени на криптовалути.