КОРУПЦИЈАТА СО ЛИЦЕНЦИ ГО ЧИНИ НАЈСКАПОТО – ЖИВОТОТ НА ЛУЃЕТО! – Ивановска во „Каде се парите?“:

Поранешната претседателка на Државната комисија за спречување на корупцијата, Билјана Ивановска, во поткастот „Каде се парите? со Горан Теменугов“ предупредува дека системот за издавање лиценци е длабоко корумпиран. Ивановска открива дека институциите со години биле предупредувани за корупцијата и ризиците од лажни лиценци, но немале волја да реагираат, што резултирало со трагедии како Беса Транс и кабарето во Кочани.

Гледајте нѐ и притиснете „subscribe“ на каналот ПАРИ. Премиерите се секој четврток во 12.00 часот. Сите содржини се бесплатни, овозможени од пријателите на поткастот кои веруваат во важноста на јавната дебата и транспарентноста.

„Издавањето на лиценци, дозволи, разни одобренија, решенија, значи сите да ги ставиме во еден куп. Беше еден од високите ризици од корупција додека работевме на Националната стратегија за борба против корупција, бидејќи таа ни се темелеше на два основни проблема, да речеме, злоупотреба на парите, што прашувате „Каде се парите?“. Кај корумпираните се парите, што ги нема.  Злоупотреба на парите, а друго е злоупотреба на службената должност. Токму во овој дел, кај издавањето на овие документи, доаѓа до израз злоупотребата на службената положба на оние коишто ги издават. Ние своевремено сме упатувале дека ова е висок ризик, дека постојат начини како тој да се намали, меѓутоа до сега гледате дека едноставно сме наидувале на надлежни кои што немале слух и не сакале, немале желба или не знам како да се изразам, важно, не пристапиле кон сериозно решавање на овој проблем.“