Како изгледа деловната инфраструктура на компјутерскиот криминал?

Фактот дека компјутерските криминалци заработуваат огромни суми пари крадејќи од корисниците на Интернет и компаниите не е ништо ново. Оваа практика постои со години и добива сè повеќе димензии. Криминалците го крадат идентитетот на своите жртви, информации за кредитни картички, релевантни деловни информации, криптираат кориснички податоци и потоа ги уценуваат жртвите со тоа што нудат да ги вратат сите податоци во замена за голема парична компензација.

Една студија на јапонската сајбер безбедносна корпорација „Тренд микро“ се однесува на хакерската инфраструктура и подземниот хостинг. Се покажа дека на криминалните организации им се потребни и сигурни хостинг услуги, како и заштита од сајбер закани, како на пример, Служба за заштита на DDoS за да се заштитат од конкуренција. Ова беше донекаде очекувано, но сепак е донекаде изненадувачки што беспрекорната инфраструктура за хостирање на компјутерски криминалци служи како основа на нивниот целокупен деловен модел.

Како добро усогласената инфраструктура за хостирање овозможува прогрес на нелегалните активности?

Во гореспоменатата студија, Тренд Микро носи нови согледувања во анализата на пазарот на подземни хостинг услуги и детали за тоа каде и како, сајбер криминалците ја изнајмуваат инфраструктурата што е домаќин на нивниот деловен модел. Подземен хостинг е секоја услуга што обезбедува компоненти на хостинг или инфраструктура со цел извршување злонамерни и криминални активности.

Како што споменавме, се покажа дека инфраструктурата за хостирање е столбот на секој аспект на хакерските активности. Овозможува сервери за команда и контрола што хакерите ги користат за управување со компјутерите, серверите или мобилните уреди на своите жртви.