Индустриското производство во ЕУ се зголеми за 0,5%, во еврозоната за 0,8%

Индустриското производство во Европската унија се зголеми во април 2021 година, според сезонски прилагодените податоци за 0,5 проценти во споредба со март, а во еврозоната за 0,8 проценти, според првичните проценки на Заводот за статистика на ЕУ Евростат.

Во март годинава, растот на индустријата во ЕУ беше 0,8 проценти, додека производството во монетарниот блок беше поголемо за 0,4 проценти.

На годишно ниво, индустриското производство во април се зголеми за 38,7 проценти, а во еврозоната за 39,3 проценти, според веб-страницата на Евростат.

Од земјите-членки на ЕУ за кои се достапни податоци, најголемо месечно зголемување на индустриското производство во април е забележано во Белгија (7,4%), Малта (5,6%) и Естонија (4,4%), додека најголемото намалување е забележано во Данска, (-3,8%), Унгарија (-3,2%) и Литванија (-2,4%).

Во споредба со април минатата година, растот на индустријата е регистриран од сите земји од 27-члениот блок, а највисок раст е постигнат во Италија (79,5%), Словачка (69,1%) и Романија (64,5%).

Хрватските медиуми јавуваат дека индустриското производство во оваа земја за прв пат паднало во април во последните шест месеци, за 2,1 процент во споредба со март и дека ова е прв пад во последните шест месеци.

Тие исто така додаваат дека, кога станува збор за растот на индустријата на годишно ниво, Хрватска е меѓу трите земји со најниски двоцифрени стапки на раст на производството во април, со износ од 17,3 проценти.

Во споредба со април 2020 година, индустриското производство во Естонија се зголеми за 16,8 проценти, а во Малта за 17,5 проценти.