ИДНИНАТА НА ГЕРМАНСКАТА АВИЈАЦИЈА е под знак прашалник, стравува директорот на „Луфтханза“

Откако Рајанер и Еуровинкс најавија големи намалувања на услугите во Германија во 2025 година, извршниот директор на „Луфтханза“, Карстен Спор, вели дека е загрижен што високите даноци и такси на германските аеродроми ќе продолжат да ги оддалечуваат превозниците.

Зборувајќи за Билд ам Зонтаг, Спор изрази  загриженост за германската воздухопловна индустрија која се чини дека оди подалеку од едноставно неговото сопствено портфолио на превозници во групацијата „Луфтханза“:

„Многу сум загрижен за поврзаноста на нашите деловни локации. Екстремното зголемување на државните трошоци за воздушниот сообраќај доведува до натамошен пад на услугите. Се повеќе авиокомпании ги избегнуваат германските аеродроми или откажуваат важни врски.“

Тој посочи дека Евровинкс, нискобуџетна подружница на „Луфтханза“, и ирскиот бужетен превозник Рајанер, ги откажале германските линии поради премногу високите аеродромски такси.

Рајанер минатата недела објави дека ќе ја прекине услугата за Дрезден, Дортмунд и Лајпциг почнувајќи од следното лето и конкретно ги обвини високите даноци и такси. Рајанер исто така ги намалува летовите до Хамбург за 60% и за Берлин за 20%. Тој го обвини намалувањето на рутите на континуираниот неуспех на германската влада да ги намали таксите за воздушниот сообраќај, безбедноста и контролата на воздушниот сообраќај, кои ги попречуваат закрепнувањто и растот.

„Германските граѓани сега се соочуваат со највисоките авионски билети во Европа по спасувачката програма на „Луфтханза“ од шест милијарди евра. Оваа изведба на Германија  во целосна спротивност со другите земји од ЕУ, како што се Шведска, Италија, Унгарија, Полска, кои ги намалуваат трошоците за пристап за да го промовираат закрепнувањето по Ковид-19 и растот на воздушниот сообраќај.“ – вели Спор.

Покрај откажувањата на Германија, Еуровинкс  веројатно ќе отстрани шест други дестинации во Европа и Северна Африка од својата програма од Хамбург.

Според Спор, летањето од и до Германија станува се поскапо и непрофитабилно на многу линии. Овој развој можеше да се избегне, но плановите на аеродромот за целосно непропорционално зголемување на таксите не оставаат избор.

Спор исто така го осуди и националниот мандат за синтетичко гориво, кој тој го означи како невозможен мандат кога „мешаната квота“ за е-горива се уште не е достапна во доволни количини.

„Резултатот е дека квалитетот на поврзувањето на многу важни економски региони опаѓа според меѓународните стандард“, вели Спор.