И ДОДЕКА ДРУГИ МУ ПРЕДВИДУВААТ АСТРОНОМСКИ ВИСОЧИНИ, Роберт Кијосаки предвидува стрмоглав пад на биткоинот до 60 илјади долари

Финансискиот автор Роберт Кијосаки, кој стана светски познат автор на хит-книгата „Богат татко сиромав татко“ („Rich Dad, Poor Dad “) сугерираше дека цената на биткоинот би можела да падне на 60.000 долари бидејќи се бори да ја прекрши пресвртницата од 100.000 долари.

Анализата на Кијосаки  доаѓа во услови на зголемени пазарни шпекулации за следното големо движење на цената на биткоинот.

Кијосаки ја сподели својата пазарна перспектива преку X и изјави дека секој потенцијален пад ќе претставува можност за купување наместо причина за загриженост.

Сепак, тој задржа оптимистичка долгорочна перспектива. Кијосаки изјави дека биткоинот би можел да достигне приближно 250.000 долари до 2025 година.

Тој изјави дека неговата инвестициска стратегија е фокусирана на акумулација наместо на ценовни шпекулации.

Во претходната изјава од 30 ноември, Кијосаки предупреди дека штом биткоинот ќе надмине 100.000 долари, може да стане сè понедостапен за инвеститорите од средната класа и со пониски приходи.

Тој сугерира дека институционалните инвеститори, вклучувајќи ги корпорациите, банките и суверените богати фондови, потоа ќе доминираат во стекнувањето на Биткоин.