H&M ПОТВРДИ: Шведскиот бренд во 2022 се шири на 6 пазари меѓу нив и во Македонија

Во 2022 година H&M ќе стартува на шест нови пазари: првите продавници ќе се отворат во Еквадор, Косово и Северна Македонија и преку франшиза во Костарика, Гватемала и Камбоџа. Воведувањето на H&M онлајн продолжува во 2022 година со Белорусија, Колумбија, Казахстан, Перу и Украина.

Извршниот директор Хелена Хелмерсон рече дека групата „силно ја заврши годината, со продажбата повторно на исто ниво како пред пандемијата и со подобра профитабилност отколку што беше веќе неколку години“.

Таа рече дека H&M се „врати во понормализирана ситуација“ и дека „ние ја покажавме нашата способност брзо да се прилагодиме и да ги искористиме можностите што се појавуваат“.

Шведскиот евтин моден бренд Hennes & Mauritz AB во петокот објави дека неговата нето-продажба во локални валути се зголемила за 8% во четвртиот квартал од 2021 година на 56 милијарди круни (6 милијарди долари) назад на нивото пред пандемијата со целосна годишната нето-продажба зголемена за 6% до 199 милијарди круни (21 милијарди долари).

Групацијата со седиште во Стокхолм соопшти дека нејзината бруто добивка за четвртиот квартал се зголемила за 14% на 31,3 милијарди круни (3,3 милијарди долари), додека за целата година се зголемила на 105 милијарди круни (11 милијарди долари), од 93,5 милијарди круни.

Хелмерсон рече дека групата е „оптимист“ за иднината. Групацијата рече дека треба да ја удвои продажбата, а во исто време да го преполови својот јаглероден отпечаток најдоцна до 2030 година.

https://www.instagram.com/p/CZWeVpiJMiu/

Во Македонија веста за влезот на модниот бренд ,,H&M” ја објави Арсим Папранику, првиот човек на Ист Гејт Мол на својот инстаграм профил објави видео со кое го најавува доаѓање на познатиот светски бренд кој сите долго го очекуваме. На него се гледа дека на просторот наменет за овој бренд стои натпис дека H&M ќе започне со работа во 2022 година.