Група Европа: Добивката од работењето пониска за 29 отсто

Од работењето во текот на минатата година Група Европа – АД Европа Скопје и Заштитно друштво Европак 2012 ДОО има добивка од 45.243.579 денари или 733,1 илјда евра, за 29,1 отсто пониска од остварената во 2021, кога изнесувала 1,03 милиони евра (63.791.358 денари).

Нешто полоши резултати се прикажани кај вкупните бруто приходи. Постигнатите 14,14 милиони евра (873.056.294 денари) се за 0,7 проценти под износот од 14,25 милиони евра (879.518.577 денари) регистриран една година претходно.

Наспроти тоа, пораст има кај вкупните расходи – за 1,6 насто. Притоа, оперативните расходи се зголемени за еден, а финансиските расходи за дури 64 проценти. Гледано низ конкретните бројки, бруто расходите од 13,09 милиони евра (808.312.276      денари) во 2021, направиле исчекор на 13,30 милиони евра (821.202.210 денари) во 2022 година.

Зголемување од 0,1 насто има кај вкупните оперативни приходи. Останатите приходи, пак, бележат раст од 2,7, додека кај финансиските приходи се работи за зголемување од 125,4 проценти во однос на 2021 година. Или, оперативни приходи лани биле во износ од 13,63 милиони евра, останатите – 179,3 илјади евра, а финансиските приходи – 78,3 илјади евра, со што се доаѓа до сума од 13,89 милиони евра.

Група Европа забележала добивка пред оданочување од 840,2 илјади евра (51.854.084 денари), од кои е платен данокот на добивка во износ од 6.610.505 денари, односно 107,1 илјада евра.