Гигантот Кока Кола започна со производство на својот прв алкохолен пијалок

Кинеската подружница на Кока- Кола најави дека ќе го пушти во продажба својот прв алкохолен пијалок во Кина.

Станува збор за пијалок „Topo Chico Hard Seltzer“, односно алкохолна газирана сода.

Овој потфат е дел од планот на компанија која сака да го зголеми своето присуство на кинескиот пазар и да ја зголеми вредноста на своите акции на таа територија.

Овој пијалок е веќе пуштен во продажба во Латинска Америка и Европа и меѓу другите состојки содржи ниско-процентна база на алкохол без глутен, газирана вода, малку шеќер и нула маснотии.

Процентот на алкохол во овој пијалок е 4,7 проценти, како што е наведено на нивната официјалната веб-страница.