Германскиот гигант Bosch ќе отпушти 1.500 вработени

Германскиот гигант Bosch вчера соопшти дека планира да укине до 1.500 работни места во два германски града кои произведуваат пренос на возила, додека добавувачите на автомобили во земјата се борат со електричната транзиција.

Кратења на работни места ќе има во Фојербах и Швибердинген во југозападна Германија, кои треба да бидат завршени до крајот на 2025 година, и овие чекори ќе влијаат на улогите во развојот, администрацијата и продажбата, изјави портпаролката за АФП. Во тек се разговори со претставниците на вработените за да се избегнат задолжителните отпуштања.

Bosch се соочува со големи структурни промени кога станува збор за преносот, бидејќи преминот кон електромобилноста се засилува.

Многу електрични возила користат поедноставни, еднобрзински менувачи, за кои се потребни помалку делови од оние во возилата со мотори со согорување.

„Сакаме да се фокусираме на внатрешното распоредување на вработените во други области, понудата на програми за квалификација за областите за раст, но и на регулативите за предвремено пензионирање или договорите за доброволно раскинување“, рече портпаролката на компанијата.

Транзицијата кон електромобилност бара големи почетни инвестиции и е придружена со намалена потреба за вработување додека светската економска криза и постојаната инфлација ја влошија ситуацијата.

Посебно е погоден секторот на погонските агрегати, каде што се врши истражување и развој на дизел и бензински мотори. Работните места во тој сектор, вклучително и администрацијата и продажбата, се очекува да бидат укинати до крајот на 2025 година.

Тоа е поврзано и со европската забрана за мотори со внатрешно согорување, која ќе важи од 2035 година. Многу компании веќе се подготвуваат за новите правила, бидејќи дизелските и бензинските мотори ќе бидат постепено укинати на долг рок, објаснуваат експертите.

Промената на производството генерално бара високи првични инвестиции, додека новите процеси бараат помалку вработени.

Надвор од електричната транзиција, Бош наведе и други предизвици со кои се соочува, вклучително слабата глобална економија и тврдоглавата инфлација, предизвикани од високите трошоци за енергија и суровини.

Компанијата истакна дека нема да има задолжителни отпуштања во претстојните кратења, во согласност со неодамнешниот договор. Во јули годинава Bosch потпиша договор со претставници на вработените, со што ја отфрли можноста за отпуштање на 80.000 вработени во германскиот оддел за мобилност до 2027 година и најави дека отпуштањата треба да се вршат на општествено одговорен начин.