ГАЗПРОМ: Прекина истекувањето на „Северен тек“, снабдувањето со гас може да продолжи на една линија

Руски Газпром вчера соопшти дека гасот престанал да тече од трите пукнатини на  гасоводот Северен тек  кои се наоѓаат под Балтикот и дека е можно да се продолжи со пумпање низ преостанатата единствена линија. Во соопштението се вели дека притисокот во трите линии е стабилизиран и дека работи на намалување на еколошките ризици.

Европа започна истрага откако беа откриени големи протекувања во двата руски гасоводи Северен тек, секој составен од пар линии. Германија, Данска и Шведска рекоа дека веруваат дека имало саботажа.

Северен тек 1 пријави значителен пад на притисокот на двете негови линии, за кој се претпоставува дека е предизвикан од прекини, додека Северен тек 2 пријави сличен остар пад на притисокот во својата линија „А“. Газпром рече дека линијата „Б“ на Северен тек 2 сè уште може да извезува гас во Европа, доколку се донесе одлука за почеток на испораките.

Северен тек 1 беше целосно функционален пред Русија да го намали, а потоа да го запре протокот на гас во последните шест месеци, поради неплаќање во руски рубљи и технички проблеми.

Но, неодамна завршениот Северен тек 2 никогаш не профункционира, бидејќи Германија, каде што доаѓа на копно, го замрзна процесот на овластување додека Русија се подготвуваше да ја нападне Украина.

„Доколку се донесе одлука за почеток на испораките преку линијата Б на Северен тек 2, природен гас ќе се пумпа во гасоводот откако интегритетот на системот ќе биде проверен и потврден од надзорните органи“, се вели во соопштението.