Формирана е НАТТА – Асоцијација за развој на туристичката индустрија на професионална основа

Туристичките агенции и туроператорите се обединуваат во НАТТА, Национална асоцијација формирана во рамките на Стопанската комора. Целта е да се обезбеди поддршка во создавањето услови за развој на модерна, конкурентна, општествено одговорна и одржлива туристичка индустрија, поставена на професионална основа. Каде што членовите ќе имаат компетентна и практична помош при решавањето на проблемит, но и заштита на нивните интереси пред Владата и другите институции.

Конституирањето на НАТТА уследи по одлуката на УО на СКСМ за основање на ова тело. Со своето делување се очекува да овозможи соработка со меѓународни асоцијации и поврзаност со светските трендови и технологии во дејноста, рамноправен и конкурентен однос спрема компаниите од соседството и европските држави и зголемено присуство на македонските туристички агенции на меѓународниот пазар.

За претседател на Управниот одбор на НАТТА е избран Асим Меџедовиќ од ТА „Фибула“, а за потпретседател Кристијан Џамбазовски од ТА „Бохемија“ и хотел „Амбасадор“. Членови на УО се и Александар Кузманоски од ТА “Симониум травел“, Тихомир Пиневски од ТА „Пине Холидејс“ и Ана Таневска Ѓорѓиевска од „Македонијатурист“ АД Скопје.

Од НАТТА посочуваат дека ова е можност за сите туристички агенции да се обратат на вистинската адреса, каде што дејноста добива заслужен третман.