Флекс Кредит прогласен за „Најпосакуван работодавач“ во категоријата финансиски друштва за 2024 година

Компанијата Флекс Кредит ја доби престижната награда „Најпосакуван работодавач“ во категоријата финансиски друштва, во рамки на годишниот избор на веб-порталот Вработување.ком за 2024 година.

Ова признание претставува потврда за посветеноста на Флекс Кредит во областа на човечките ресурси и создавање позитивна и продуктивна работна средина. Истражувањето, спроведено од Вработување.ком, се базира на гласовите и перцепцијата на јавноста, при што Флекс Кредит е препознаена како прв избор меѓу финансиските друштва – компанија што вработените и кандидатите најмногу ја посакуваат како работодавач.

Компанијата во изминатата година беше наградена и со признанието за најдобра Employer Branding кампања за 2023 година, што дополнително ја потврдува конзистентната стратегија и ангажманот во градењето на силен бренд на пазарот на труд.

„Горди сме што јавноста континуирано ја препознава и вреднува нашата работа, посветеноста и грижата за вработените. Ова признание е поттик за понатамошен раст и унапредување на нашата организациска култура,“ изјави Јоана Спасовска, извршен директор на Флекс Груп.

Наградата беше доделена на свечената манифестација „Работодавач на годината“, организирана од Вработување.ком, која се одржа на 16 април 2025 година, пред повеќе од 300 гости – HR професионалци, менаџери и лидери од водечките компании во земјава.

ПР Објава