Европејците сè повеќе купуваат преку Интернет

Купувањето на Интернет цвета во Европската унија поради промените во навиките и преференциите на клиентите. Тој феномен го забрза пандемијата, објави европскиот завод за статистика Евростат.

Повеќе од 70% од луѓето нарачале нешто преку Интернет во последната година

Во 12-месечниот период што завршува во март, 89% од граѓаните на Европската унија на возраст од 16 до 74 години користеле Интернет, а 72% од нив купиле или нарачале производи или услуги за приватна употреба, покажува истражување на Евростат за 2020 година објавено кон крајот на минатата недела, пренесува Хина.

Во 2019 година, 68 проценти од корисниците користеле Интернет за купување, а во 2015 година, 62 проценти од нив.

Најголем број на набавки преку Интернет во набудуваниот период прифатија мрежните корисници во Холандија и Данска, дури 91 и 90 проценти, соодветно. Близу е и Германија, каде 87 проценти од корисниците решија да купуваат преку Интернет.

Во Хрватска, за 12 месеци, 69 проценти од корисниците користеле Интернет за купување. Во 2015 година, 44% од нив купиле преку Интернет. Нешто помалку од половина корисници користеле Интернет за да купуваат во Бугарија (42 проценти), Романија (45 проценти) и Италија (49 проценти).

Податоците за Франција и Италија не беа достапни.