ЕВРОПЕЈЦИТЕ РЕАЛНО РАБОТАТ ЧАС ПОМАЛКУ НЕДЕЛНО отколку пред 10 години, покажа статистиката на ЕУ

Вистинските работни часови на неделно ниво на работниците со полно и скратено работно време во ЕУ на возраст од 20 до 64 години на нивната главна работа во просек изнесувале 35,9 часа во 2025 година, што е намалување од еден час во однос на 36,9 часа во 2015 година.

Според статистичката агенција на ЕУ, Евростат, најдолгите работни недели во земјите од ЕУ се забележани во Грција (39,6 часа), Бугарија и Полска (и двете 38,7) и Литванија (38,4). Спротивно на тоа, Холандија имала најкратка работна недела (31,9 часа), по што следат Данска и Германија (и двете 33,9) и Австрија (34,0).

Занимањата со најдолга работна недела во ЕУ биле квалификувани земјоделски, шумарски и рибарски работници (42,0 вистински работни часови), менаџери (40,6) и занимања во вооружените сили (39,4). Спротивно на тоа, најкратките работни недели се забележани во елементарните занимања (31,8), помошни работници (34,0) и услужни и продажни работници (34,5).

(Фото: Kārlis Dambrāns)