ЕВАКУИРАЈТЕ СЕ ВЕДНАШ: Јапонските власти упатија алармирачко предупредување до населението откако силен земјотрес предизвика цунами

Јапонската метеоролошка агенција издаде предупредување за второ цунами за крајбрежните области на Пацификот Хокаидо и регионот Тохоку откако земјотрес со јачина од 7,4 степени го погоди брегот Санрику на 20 април, објави „Асахи Шимбун“. Претходно бил регистриран цунами-бран со просечна висина од 40 цм на североисточниот брег на Јапонија.

Земјотресот се случил во 16:53 часот по локално време на длабочина од околу 10 км, со епицентар во близина на брегот Санрику во Тихиот Океан.

Првите бранови почнаа да го погодуваат брегот на Јапонија, а најголемиот досега е регистриран со 80 см, според метеоролошката агенција на земјата. Еве каде досега се регистрирани брановите: Куџи, префектура Ивате, 80 см, Префектура Мијако Ивате, 40 см, Хачинохе, префектура Аомори, 30 см, Уракава, префектура Хокаидо, 20 см.

Агенцијата претходно предупреди дека брановите би можеле да достигнат висина и до 3 метри.

Јапонија има тристепен систем за предупредувања за цунами: Големо предупредување за цунами: Се очекува цунами да биде поголемо од 3 метри, при што крајбрежните области треба веднаш да се евакуираат. Се очекува широка штета на зградите во близина на вода.

Предупредување за цунами: Се очекува цунами до 3 метри, со очекувана штета на ниските згради и наредена евакуација. Предупредување за цунами: Се очекува цунами до 1 метар. Ова е закана за оние во водата и на луѓето им е кажано веднаш да излезат од морето.

Јапонската премиерка Санае Такаичи соопшти дека прстигнуваат информации за човечки жртви и за материјална штета. Премиерката формираше итна работна група за справување со земјотресот.

Санае Такичи, која стана првата жена лидер на земјата во октомври минатата година, исто така го повтори повикот до жителите во погодените области да се евакуираат, велејќи во објава на интернет: „Во овој момент, добивме извештај дека „моментално се потврдуваат човечки и материјални штети“, но од сега па натаму, ќе добиваме детални извештаи и ќе се осврнеме на одговорот на катастрофата“.

Бродовите во едно од јапонските пристаништа избегаа во морето по претходното предупредување за цунами. Радиомагнетната телевизија NHK ги прикажа бродовите како пловат од пристаништето Хачинохе, на брегот на Пацификот во префектурата Аомори, кратко по пријавувањето на земјотресот.

Бродовите го прават ова затоа што се побезбедни во длабока вода. Само поблиску до брегот е местото каде што цунамите се издигаат повисоко во поплитка вода, станувајќи поопасни и разорни.

ЈАПОНИЈА – ЗЕМЈА НА ЗЕМЈОТРЕСИТЕ

Тремор се случува најмалку на секои пет минути во Јапонија, која е една од земјите најсклони на земјотреси.

Оваа земја се наоѓа во „Огнениот прстен“ од вулкани и океански ровови кои делумно го опкружуваат Тихоокеанскиот басен.

На Јапонија отпаѓаат околу 20% од земјотресите во светот со магнитуда од 6 или повеќе степени.

Повеќето згради во Јапонија се прилично отпорни на земјотреси, а луѓето во структурите отпорни на земјотреси се советуваат да не излегуваат надвор додека не биде безбедно.

Најлошиот земјотрес и цунами во модерната јапонска историја се случија на 11 март 2011 година, кога земјотрес со магнитуда од 9 степени предизвика бранови до 40 метри. Катастрофата остави речиси 20.000 мртви или исчезнати, ја осакати нуклеарната централа Фукушима и предизвика сериозна економска штета.

Нуклеарната централа Онагава се проверува за да се утврди влијанието на земјотресот и цунамито, соопшти „Тохоку Електрик Пауер Ко“.

Централата се наоѓа во префектурата Мијаги, јужно од трите погодени префектури.

Иако нема нуклеарни централи во функција во североисточните региони Хокаидо и Тохоку, „Хокаидо Електрик Пауер Ко“ и „Тохоку Електрик“ имаат голем број затворени нуклеарни централи таму.

Јапонската метеоролошка агенција го ревидираше земјотресот на магнитуда од 7,5 степени.

Националната океанска и атмосферска администрација на САД го регистрираше земјотресот како магнитуда од 7,4 степени.

Во првичните мерења, Јапонија соопшти дека е регистриран како магнитуда од 7,3 степени – така што имало одредена промена.

На сопствената јапонска скала за земјотреси од нула до седум, ова се смета за 5+.

(Извор: Japan Meteorological Agency)