Душан Пецовски се стекна со 200 акции од Реплек

Генералниот директор на Реплек, Душан Пецовски, купи уште 200 обични акции. Сега поседува 12,29 проценти од компанијата со која раководи.

„Акционер со над 5% Пецовски Душан, воедно претседател на Управниот одбор и генерален директор на Реплек АД Скопје, се стекна со 200 нови акции, со што поседува вкупно 31.850 или 12,29% од вкупниот број на акции“, пишува во известувањето на Реплек, преку Македонска берза споделено со инвеститорската јавност.

Пецовски повремено купува акции од фармацевтската компанија. Ценовно чувствителна информација со слична содржина имаше и во февруари, кога првиот човек на Реплек купи 30 акции.

Просечната цена за акција на Реплек е 15.095,02 денари. Вредноста е од 30 јуни, кога последен пат е забележано тргување на Берзата.