ЈОВАНОВИЌ ЗА ИСПЛАТАТА НА ДРЖАВНА ПОМОШ ЗА ПЛАТИ: ОВА Е ЗЕМАЊЕ ОД СИРОМАШНИ, ДАВАЊЕ НА БОГАТИ

„Кромберг & Шуберт, која сега доби државна помош од 1,2 милиони евра, во 2018 имала нето добивка од 3,9 милиони евра, а е ослободена и од даноци. Систина на Камчев, која доби помош од 142.000 евра, во 2018 имала нето добивка од 4,1 милиони евра, а од државата добила и 17 милиони евра годишно по разни основи. Брако на Анѓушев, која доби помош од 106.000 евра, во 2018 имала нето добивка од 1,3 милиони евра, а на работниците им плаќала просечна плата од 280 евра“, напиша поранешниот советник во Министерството за финансии, Бранимир Јовановиќ.

Од друга страна, малите фирми ќе се прашуваат дали вооопшто и ќе добијат помош, работниците кои останаа без работа ќе добијат надоместок од една плата, а невработените ќе добијат платежна картичка од 150 евра. И ќе плаќаат повисоки акцизи.

Ова е олигархија. Ова е заробена економија. Ова е земање од сиромашни, давање на богати. Ова сме ние во последните 30 години.

Сè додека не почнеме да ги менуваме овие работи, ништо суштински нема да се смени во државава.