До рамномерен регионален развој со 13 милиони евра преку 129 проекти

Директна финансиска поддршка од 800 милиони денари, односно 13 милиони евра се предвидени за 129 нови проекти, кои преку Програмата за регионален развој ќе се распределат во општините и планските региони. Договорите за финансирање на проектите – 29 за планските региони и 100 за општините, ги потпишаа вицепремиерот задолжен за економ ски прашања, Фатмир Битиќи, и министерот за локална самоуправа, Ристо Пенов.

Парите се наманети за развој на локалната патна инфраструктура, изградба на градинки, набавка на урбана опрема и подбрување на квалитетот на животот на граѓаните.

Целта е да се намали диспаритетот во социоекономскиот развој на државата и поделбите на село и град, со што ќе се подобри севкупната општествена благосостојба.

„За жал, се наоѓаме во ситуација кога разликата помеѓу најнеразвиениот регион – Североисточниот, со најнеразвиениот  – Скопскиот, е еден спрема седум. Тој јаз не може да го адресирате ако немате конзистентни полтики кои се инкорпорираат во сите различни програми на Владата, рече вицепремиерот.

Трошењето на средствата е под целосна контрола на владините институции.

„Во овие прокети не може да има нетрансперентност. Ги следиме проектите во реализацијата од почеток до крај“, тврди министерот Пенов.