До 2030 година, повеќе од 100 милиони работници ќе мораат да најдат нова работа 

Глобалниот пазар на трудот брзо се менува. Додека од една страна милиони луѓе ја губат работата, од друга страна, повеќето работни места брзо се менуваат. Најновото истражување укажува на тоа дека многу работни места ќе изгледаат сосема поинакви, како и дека многу вработени ќе мораат целосно да ги менуваат занимањата. Се проценува дека повеќе од 100 милиони работници, или еден од 16, ќе мора да најдат друга професија до 2030 година.

Мекинзи наведува во својата анализа дека можеби најочигледното влијание на пазарот на трудот е драматичното зголемување на бројот на работници кои ќе работат од дома. Земајќи ја предвид работата на далечина што не ја намалува продуктивноста, тие открија дека околу 20 до 25 проценти од работната сила во напредните економии може да работи од дома помеѓу три и пет дена во неделата.

Ова, велат тие, претставува четири до пет пати поголема телекомуникациска работа отколку пред пандемијата и може да поттикне голема промена во географијата на работата, бидејќи поединци и компании се преселуваат од големите градови во предградијата и малите градови.