Девизните резерви зголемени за 91 милион евра, во јули – 4,4 милијарди евра

За 91 милион евра се зголемени официјалните девизни резерви. На крајот од јуни се на ниво од  4.428,5 милиони евра, информираат од Народната банка. За споредба, на последниот ден од јуни беа во износ од 4.337,5 милиони евра.

Најголем дел од девизните резерви, поточно 59,6 проценти се пласирани во хартии од вредност. Потоа со 29,1 процент следуваат валутите и депозитите, а 11,2 отсто се чуваат во монетарно злато.

По дефиниција, девизните резерви се средства веднаш достапни и расположливи за монетарната власт, во чија надлежност е и контролата врз нив. Служат за финансирање на платниот биланс преку интервенција на девизниот пазар. Пред сѐ, за да се влијае врз девизниот курс, како и за други цели. Во суштина, основната функција им е да ја заштитат економијата од негативни надворешни шокови, за редовно сервисирање на надворешниот јавен долг и интервенции на девизниот пазар.