Девизните резерви и во октомври 3,9 милијарди евра

Официјалните девизни резерви изнесуваат 3.920,6 милиони евра. Состојбата е од крајот на октомври. Во однос на претходниот месец бележат зголемување за 18,9 милиони евра, покажуваат податоците објавени на веб-страницата на Народната банка.

Најголем дел од девизните резерви се пласирани во хартии од вредност – 58,2 проценти. Потоа следат валутите и депозитите со 31 и монетарното злато со 10,6 отсто.

Девизните резерви се дефинираат како средства кои се веднаш достапни и расположливи за монетарната власт. Исто така, се контролираат од монетарната власт, а служат за финансирање на платниот биланс преку интервенција на девизниот пазар. Пред се, за да се влијае врз девизниот курс, но и за други цели.