Членови од Управниот и Надзорниот одбор купуваат акции од „Гранит“

Раководството на „Гранит“ инвестира во акции издадени од градежното претпријатие. Од компанијата информираат дека со хартии од вредност се стекнале тројца членови од телата на управување, двајца од Управниот и еден од Надзорниот одброр.

Андреа Серафимовски купил 630 обични акции, а Катерина Ѓердовска – 320 обични акции. Тие се во составот на Управниот одбор.

Членот на Надзорниот одбор, Виолета Божиноска, се стекнала со 1.000 обични акции, наведено е во објавата споделена преку Македонска берза.

Пред неколку дена од градежната компанија ја известија инвеститорската јавност дека најголемите акционери ги зајакнале сопственичките позиции: првиот човек на УО, Страшо Милковски купил 8.760 обични акции, Зоран Милковски (член на УО) – 12.300, а претседателката на НО, Ивана Милковска–Симева се стекнала со 14.716 обични акции.

Акцијата на „Гранит“ е меѓу најтргуваните на официјалниот пазар, а во последно време се забележливи и зачестени блок-трансакции. Просечната цена за акција, со вчерашен датум, е 1.700 денари.