Цените на становите во Скопје повисоки за 22,3 насто

Во првата половина од годинава продолжил растот на станбениот квадрат во главниот град, за повеќе од 22 насто на годишна основа. Но, темпото е нешто позабавено во второто тримесечје, покажуваат податоците на Народната банка за цените на недвижностите.

Во првиот квартал индексот на цените достигнал 173,27 поени (2010=100), што претставува годишен раст од 22,6 насто. Споредено со претходниот, поледен квартал од минатата година, регистриран е раст од 9,9 насто.

Индексот во второто тримесечје се искачил на 184,14 поени, односно цените се за 84,14 проценти над нивото од 2010 година. Годишната стапка на пораст е 22,3 насто, а кварталната е 6,3 насто.

Како што е наведено од Народната банка, индексот на цените на становите е изготвен врз основа на податоците кои се однесуваат на огласените станови за продажба на територија на Скопје.