Цените за барел нафтата надминуваат 51 долар, САД подготвуваат поголема помош за граѓаните

Цените на нафтата во вторникот се искачија на 51 американски долари на меѓународните пазари, водени од подготовките на САД да исплатат поголема помош на граѓаните погодени од корoна кризата, што може да го поддржи економскиот раст и побарувачката на гориво

На лондонскиот пазар цената на барелот порасна за 53 центи од претходното затворање, на 51,32 долари. На американскиот пазар со барел се тргуваше за 52 центи повисоко, односно за 48,14 долари. Претставничкиот дом на САД, во кој демократите имаат мнозинство, го прифати барањето на претседателот Доналд Трамп и гласаше за зголемување на износот на помошта за граѓаните од 600 на 2000 американски долари. Помошта допрва треба да биде одобрена од Сенатот, во кој републиканците имаат мнозинство.

„Се чини дека цените на нафтата се поддржани со усвојувањето на пакетот на закони за стимулирање и финансирање на владата од страна на САД“, забележува Џефри Хали од ОАНДА.

Значителното зголемување на цените е намалено од загриженоста поради мерките за затворање насочени кон спречување на ширењето на коронавирусот. Велика Британија повторно воведе ограничувања на движењето поради новиот вид на вирус, што влијаеше на побарувачката и цените. Во некои делови на Европа и Африка, бројот на заразени и хоспитализирани лица поради коронавирусот е зголемен. Трговците исто така се воздржаа од чекање за состанок на кој Организацијата на земјите извознички на нафта (ОПЕК) и нејзините сојузници, вклучително и Русија, ќе разговараат за ограничувањата во снабдувањето. ОПЕК + во моментов го намалува производството за 7,7 милиони барели дневно и треба да ги ублажи намалувањата за 500 000 барели дневно од почетокот на следната година.

Русија поддржува олеснување на намалувањата во февруари за дополнителни половина милион барели на ден, на 6,7 милиони барели на ден. Рускиот вицепремиер Александар Новак во понеделникот изјави дека во 2021 година очекува пет до шест милиони барели дневно дополнително барање, што сè уште не е целосно закрепнување од пандемијата. Дури и денес, поради празниците, ОПЕК не ја објави цената на барел сурова нафта. Последните објавени податоци се за 17 декември, кога цената беше 50,78 долари.