ЦЕНИ ПОВИСОКИ И ЗА 173%: Еве во кои земји-членки на ЕУ има најголемо поскапување на недвижностите

Унгарските цени на недвижностите растат најбрзо во Европската унија, покажуваат најновите податоци кои ги објави Европскиот парламент.

Според истите податоци, цените на куќите се зголемени за 1,3% во еврозоната и за 2,9% во Европската унија во вториот квартал од 2024 година, во споредба со истиот квартал од 2023 година.

Според ЕП, „за помалку од 10 години, меѓу 2015 и 2023 година, цените на куќите во ЕУ во просек пораснале за 48%“.

Притоа, најголем пораст е забележан во Унгарија, каде цените се зголемија за 173%, додека најнизок е  во Финска, каде цените се зголемиле за само 5%.

Европскиот парламент откри дека највисокиот пораст од година во година во Унгарија бил помеѓу 2021 и 2022 година.

Стапката на зголемување тогаш беше 46%. Следеа уште речиси 20% помеѓу 2022 и 2023 година, јасно покажувајќи ги разорните ефекти од вртоглавото зголемување на инфлацијата врз економијата и општеството на Унгарија.

Експертите веруваат дека порастот на цената на имотот ќе продолжи и оваа година во Унгарија.