Цената на нафтата расте

Цената на нафтата денеска е во пораст бидејќи се очекува видот на вирусот омикрон корона да има ограничено влијание врз побарувачката на гориво.

Во Лондон цената на суровата нафта од типот Брент од Северното Море порасна за седум центи или 0,1 отсто и сега изнесува 78,67 долари за барел.

Во Њујорк цената на лесната сурова нафта е повисока за 17 центи или 0,2 отсто и изнесува 75,74 долари за барел.

„Загриженоста за омикрон сега се намалува низ целиот свет, што резултира со одреден оптимизам за побарувачката. Се очекува цената на нафтата да биде на позитивно ниво“, изјави претставникот на компанијата „Свастика Инвестментсмарт“, Абишек Чохан.

Британскиот министер за здравство Саџид Џавид вчера изјави дека Англија нема да воведе никакви рестриктивни мерки против Ковид-19 пред крајот на годината, бидејќи властите очекуваат дополнителни докази за тоа дали здравствениот систем може да се справи со зголемениот број пациенти.

Сепак, растот на цената на нафтата е ограничен бидејќи американските авиокомпании откажаа повеќе од 1.300 летови и поради тоа што Ковид-19 го намали бројот на расположливиот персонал.