Цената на нафтата повторно во пад, неизвесноста на пазарот продолжува

Цените на нафтата паднаа за околу еден долар утринава бидејќи Соединетите Американски Држави и сојузниците размислуваат да пуштат повеќе нафта од резервите за да ги разладат пазарите и бидејќи трговците се соочуваат со повисоки трошоци за тргување со референтните фјучерси на Брент. Фјучерсите на суровата нафта брент паднаа за 1,07 долари, или 0,9 отсто, на 117,96 долари за барел рано утринава по Гринич, откако се намалија за 2,1 отсто во претходната сесија. Фјучерсите на американската „Вест Тексас Интермидиејт“ паднаа за 1,20 долари, или 1,1 отсто, на 111,14 долари за барел, со пад од 2,3 отсто во претходната сесија.

И покрај падот, двата договора ги имаа своите први добивки во последните три недели, при што Брент беше на пат за скок од 10%, а ВТИ со пораст од 7% поради пошироките стравувања од криза во снабдувањето поради санкциите на Русија, втор по големина светски извозник на сурова нафта.

Загриженоста за снабдување се зголеми откако терминалот на конзорциумот на Каспискиот гасовод (ЦПЦ) на руското крајбрежје на Црното Море го запре извозот во средата, откако беше оштетен од големо невреме. Казазкстан во четвртокот рече дека очекува ЦПЦ да продолжи со испорака на сурова нафта во рок од еден месец, но додаде дека може да пренасочи дел од нафтата кон танкери на Каспиското Море и цевководи кои одат до Самара во Русија и кон Кина.

„Тешко е бидејќи залихите во САД продолжуваат да се намалуваат и бидејќи во иднина ќе имаме повеќе шокови во понудата“, рече Стивен Инес, управен партнер во СПИ Асет Менаџмент.

Одразувајќи ја нестабилноста на пазарот, Интерконтиненталната берза ги зголеми стапките на маргините за фјучерсите на Брент, со маргини зголемени за 19% за мајскиот договор од петокот, означувајќи го третиот пораст оваа година и поскапувајќи ја трговијата. Стапките на маргините на фјучерсите се зголемуваат кога пазарите се нестабилни, принудувајќи ги трговците да го зголемат депозитот што го чуваат на берзата за секој договор за да докажат дека можат да ги исполнат своите обврски.

Помагајќи да ги олеснат цените, Соединетите Американски држави и нивните сојузници разговараа за можно понатамошно координирано ослободување на нафтата од складиштето, изјави во четвртокот американската министерка за енергија, Џенифер Гранхолм.

Одделно, Соединетите Американски држави денес објавија договор со Европската Унија за снабдување на Европа со повеќе американски течен природен гас (ЛНГ) за оваа и следната година.