Цементарница „Усје“: 70 отсто од приходите остварени на домашниот пазар

Позитивен финансиски резултат оствари Цементарница „Усје“ АД Скопје во првите три месеци од годинава. Консолидираната нето добивка во износ од 192.609.000 денари, односно 3,12 милиони евра, е значително поголема од ланската во периодот јануари – март, кога била 102,3 илјади евра (6.311.000 денари).

Притоа, вкупните приходи се 18,33 милиони евра (1.130.976.000 денари) и се над реализираните во споредбениот период од 14,67 милиони евра (905.314.000 денари). Најголемиот дел од нив, 70 проценти, потекнуваат од домашниот пазар –       792.835.000 денари или 12,85 милиони евра. Минатата година во истиот квартал тие резултати бие 10,98 милиони евра (677.624.000 денари). Приливот од странските пазари е 5,48 милиони евра (338.141.000 денари) и е поголем од периодот со кој се споредува – 3,69 милиони евра (227.690.000 денари).

„Усје“ речиси седум децении произведува цемент и други градежни материјали. Членка е на Групацијата „Титан“. Се вбројува меѓу најголемите компании во земјата, која вработува повеќе од 250 лица. Управува со три рудници, а производите, освен на домашниот, ги пласира и во Албанија, на Косово и Бугарија.