Како се одвива преговарањето со хакери за време на пандемија?

Како што пандемијата ја уништува светската економија, хакерите ги криптираат базите на податоци на корисниците, и потоа бараат исплата за да го вратат пристапот. Во првата половина од годината бројот на такви сајбер напади се искачи на 121,4 милиони, според компанијата за безбедност SonicWall.

Многу од жртвите беа приморани да платат. Во јуни, Универзитетот во Калифорнија соопшти дека платил 1,14 милиони долари на сајбер изнудувачи кои компромитирале сервери во едно медицинско училиште. 

Минатата година една фирма за компјутерска безбедност беше агент за 143 плаќања во вредност од повеќе од 17 милиони долари. 

Пред само четири години беше засрамувачки за една престижна компанија, да биде хакирана, но сега нема никаков поттик тоа да се чува во тајност. Се разбира, тоа е различно за приватните компании. 

Хакерите кои “одат на големо”, изнудувајки и до 10 милиони долари, прераснаа во еден огромен екосистем. Но секако, постојат напаѓачи кои се целосно неспособни и не знаат што прават. 

Постојат ситуации кога, половина од нападот е извршен, клиентот е спремен да плати откуп, но тогаш напаѓачот исчезнува и никогаш не се враќа. Во секој случај, доколку една компанија размислува дали треба да преговара со сајбер напаѓачи, битно е да се потпре на технички лица кои треба да разберат дали податоците можат навистина да бидат декриптирани, и дали постои основа, информационата инфраструктура да биде вратена во првобитна состојба.